ثورة الاشواق

كل ما قلت بنسى صاحبي واستريح
ثارت اشواق قلبي سوت مظاهره
وارسلت هاجسي يمه مع كل ريح
واحرمت عيني الغفوه .غدت ساهره
وعوقتني من الممشى وساقي صحيح
لامشى درب غيره كن احد ناهره
ضيقت بي متى ماغاب كونٍ فسيح
واوسعت في خفوقي طعنةٍ داهره
واصبح الحال متعثر سواة الطريح
سبة اشواق قلب وصاحبٍ قاهره

عامين مرت وكنها يوم ولى اقصر
مع رجال سعد من هو  يخاويها
ياوجد قلبي من الفرقا وانا ماقدر
كتمت الاهات ودموعي  آداريها
على هل الفكر واهل الطيب والعنبر
واهل الجمايل اذاما حل طاريها
مردودهم لا دعوا بازهل وتم ابشر 
وافعالهم بعد دق الصدر  توفيها
قوم تميز في المضمون والمظهر
رجال يعجبك باديها وخافيها
ماشفت متغطرس فيهم ومتكبر
تواضعوا والتواضع من مباديها 
فُرض علينا الرحيل المر ومقدر
فرقا نفوسٍ  نقدرها   ونغليها 
راحوا ولكن بقت بصمه لهم تذكر
مهما يطول الزمن ماني بناسيها

هذه الابيات 
اهداءمني لزملاء الماجستير 
بعد مرور عامين كانت من افضل ايام العمر معهم .

كلمات :علي بن حسن الشهري