رثاء

مرثيتي في المرحوم علي بن سعيد بن جابر. رحمة الله عليه 

مت ياراع التواضع ويادمث الصفات
ياجناب الجود والطيب يارمز العطا
زلت من دنياك لكن قدرك في ثبات 
مت ماجا منك زله ولا جيت بخطا
ياعلي ابن سعيد يابو العلوم الطايلات
والله ان فرقاك حزن على قلبي جثا
والغبون تزيد في فقد راع الموجبات
وماتسد حروفنا لجل مدحك والرثاء
وانت بافعالك رقيت ،اعتليت النايفات
كلها افعالك مابين الجمايل والوفاء
ماخبرتك في مشاكل مع اهل المشكلات
ولاشكا ربعك قطيعه وهجران وجفا
ماخبرك فرقت شمل و لا تبني شتات
ساهرٍ طرفك لكسب الجمايل ماغفا
مت لكن طيب ذكرك تعداه الممات
يذكرك بالطيب راعي اللسان المنصفا
يالله اني طالبك وانت راع المكرمات
تكرمه برضاك يارب وارحم والطفا

ابو اسامة