الوطن نادى

الوطن نادى يبي فزعت جنوده
وهبوا الشجعان من جندٍ وقاده

ماحدٍ منهم يفكر في خلوده
مايبون الا النصر ولّى الشهاده

خلوا الحوثي هواجيسه تعوده
ماينام الليل طول به سهاده

ان ورد فالموت دونه في وروده
وان صدر ما سلَّمه الا شراده

خير للحوثي حيات (ن) في حدوده
خير من دار ٍبها يحرم رقاده

دونه حماة الحرم قوم تذوده
تقطع آمآله ولا ياصل مراده

جيشنا في المعركه يثبت وجوده
ويل من يلقاه يفنيه ابجهاده

يشبه النو الحشر تدوي رعوده
من سمعه الخوف يتمكن فؤاده

شب حول الرافضي نارٌ وقوده
افنته ما بقي منه الا رماده

بشروا من كان يوهمه ابوعوده
بشروه بشر تحطيمن واباده