مصابنا اكبر

ياعين خلي دمعك اليوم مكنون 
وش فايدة دمعك وكثرة حزونك
مصابنا اكبر من بكی اللي يبكون
في فقد ابو متعب تزايد غبونك
وينك يابو متعب تری القلب محزون 
فقيدة وكل العرب يفقدونك
خبر وفاتك هزني واربك الكون 
 ليت القدر بي حل واموت دونك
عزاي كل الخلق لابد يفنون
وعزاي مت وكل شعبك يبونك
وعزاي عوضنا برجال دندون
في مامضی ساعدك الايمن وعونك
 سلمان سيفن صارم الحد مسنون
ماشي على نهجك وهقوة ظنونك
يالله ياللي كل خلقك يمدون 
اكفهم لك بالدعا يطلبونك                      
ارحم مليك صار بالقبر مرهون
 ارجوك واللي يعرفه يرتجونك
وانشدك في سلمان بالحفظ والصون
امنحه تسديدك وحفظك وصونك