صبرك على دنياك ياقلب صبرك
صبرك على فعل الزمن والمخاليق
لو يحصل بدنياك ضيقك وكسرك
ماهي غريبه في زمان المطافيق
فيها ترا ربعك و صحبك تعثرك
ويرفعك ناسٍ مالهم بك معاليق
وفيها تشوف اللي يعاهد يغدرك
ويوفي لك اللي ماعطا لك مواثيق
حتى الصداقة صارت اسمٍ مفبرك
لك زيفها يكشف مع حزة الضيق
يخلف صديقك عن ظنونك وخبرك
لاحتجت له تلقا دروبه مغاليق
واللي تحسب انه ضمادك وجبرك
الفا على كسرك وقطع المعاليق
ماقول غير الله يعظم لك اجرك
تُقتل قيم من دون محضر وتحقيق
وخلك على مبداك واحذر تحدرك
سود الفعايل مثل فعل المصافيق
واجمل ولا ترجي من الناس شكرك
لارضي رب الناس جتك التوافيق
ولا تنزعج لو يجهل البعض قدرك
ماعرف قدر المطلق الا المطاليق
ابو اسامه ال راشد الشهري
صبرك على فعل الزمن والمخاليق
لو يحصل بدنياك ضيقك وكسرك
ماهي غريبه في زمان المطافيق
فيها ترا ربعك و صحبك تعثرك
ويرفعك ناسٍ مالهم بك معاليق
وفيها تشوف اللي يعاهد يغدرك
ويوفي لك اللي ماعطا لك مواثيق
حتى الصداقة صارت اسمٍ مفبرك
لك زيفها يكشف مع حزة الضيق
يخلف صديقك عن ظنونك وخبرك
لاحتجت له تلقا دروبه مغاليق
واللي تحسب انه ضمادك وجبرك
الفا على كسرك وقطع المعاليق
ماقول غير الله يعظم لك اجرك
تُقتل قيم من دون محضر وتحقيق
وخلك على مبداك واحذر تحدرك
سود الفعايل مثل فعل المصافيق
واجمل ولا ترجي من الناس شكرك
لارضي رب الناس جتك التوافيق
ولا تنزعج لو يجهل البعض قدرك
ماعرف قدر المطلق الا المطاليق
ابو اسامه ال راشد الشهري
ليست هناك تعليقات:
إرسال تعليق