شعبيات


هذه القصائد على أحد الألوان الشعبيه من شعبيات قبائل بني شهر :





البدع لـ علي حسن الراشدي الشهري


ياليت ياصاحبي ماصابكم صابني ======وتساوي الروح روحك لو في امراضها


الرد للشاعر علوي الشهري
إن كان يازين مالك بي خلاص آبني ===== لكن نفسي تقول أخطيت قم راضها


البدع لـ علوي الشهري
يابو حسن لا تقنص الصيد والصيد لي ==== لكن ناظر بعين ان كان ودك تراه


الرد من علي الراشدي الشهري
بو فيصل انا مريضٌ من دوا الصيدلي ==== ولا نفعني دوا ماجا من الدكتره




البدع والرد من علي الراشدي الشهري


البدع
الناس تتهمني بكلمه وما قلتها ==== والعلم ياصاحبي قد جاك قلي اش ترى


الرد
مهما البنيه تمنى القيل ماقلتها=== ياسعد من باع معها في الهواء واشترى


البدع لـ عوض علي الشهري


يازين لو قالوا العذال ما قلت انا =======لكن ذيك المحبه ثبت أركانها


الرد لـ علي حسن الراشدي الشهري


ياتاجرٌ لو طلبنا القيل ما قلتنا ======= بضاعتك خير خلاها وتركانها

قصيدةعلى لحن من اللحان الجنوب
تتحدث عن واقع قبيلتي بعد وقوع بعض الخلاف على امر الشيخه

في زمانن اظنه ماهو ابعيد عن وقت الرويبض
شفت فيه العجايب ليتني مت قبل آشوفها


غبني يالقبيلة شفتهم صاروا احزاب وطوايف
كل فرقه لها شيخ وراي وكل له عصابه
والخلافات فيما بيننا غمرنا شبابها

كل واحد يشوف انه حكيم وهو بالشيخه أولى
يتضح له قصور الغير واما قصوره مايراه


ماخذا الشور من شبان قومه ولا من شيبهم
فرق الجمع لجل الناس يقلون هذا شيخ قومه
واما حل المشاكل بين ربعه فيعجز حلها


اسمعوا العلم ياشيخان ثم ايدون يا القبيله
وانا ماقول غير الحق لو مارضي من يسمعه


شيخنا من خدمنا قالها راعي الامثال قبلي
سيد القوم خادمهم . ومن كادهم ماسادهم


شيخنا اللي بيخدمنا ويسعى لفعل الموجبات
وحدة الصف . لم الشمل . حتى القبيلة تنتمي له
مانتظر لين ياجية امر سامي وختم من خشب


ميزة الشيخ ماهي بالمظاهر وفي لبس المشالح
ميزة الشيخ في حكمه وراين يحل المشكلة

وش عواقبها

دنيا دنيـه ولا ادري وش عواقبــهـا
متقلبه دوم من حالـن الـى حالـي
والناس مابين عاشقهـا وباغضهـا
اجناس ماهم سوى كل له احــــــوالي
اللي بغضها تـذوق مـن مرارتـــــهـا
واللي عشقها تجدهـا جتـه بقبالـي
واللي عرفها علـى بايـن حقيقتهـا
ما تخدعه لو تدس السم في الحالـي
ياصاح لا ينشغل فكـرك بصرفتهـا
لا هي بكيفك ولا اظنك لهـا والي
استمتع بيسرهـا واصبـر لشدتهـا
وان ضاق بك يوم تلقى الوسع فــالتالي
احذر ولا تاثق الدنيا وتامنها
ولايغرك رغدها وطــــــول لآمـــالـي
شهواتها مغريه تهلك متابعها
وايامها تنطوي والكل رحــــــالي
كانك تبي لآخره بالاوله بعها
واشتر بها في جنان الخلد منزالـي
لاتقضي العمر في لموال تجمعها
واعمل ليوم ترى به عظم لــهوالـي

ماكل من طب البحر جاب ماسه

تكفى طلبتك لا تخلي الدراسه ====== اسمع نصيحة من تجاربه تكفيك
مجربٍ من دنيته شاب راسه ===== يسقيك من كاس المعارف ويرويك
كانك تروم المجد للمجد باسه ======= وبقدر ماتعطيه ياخوي يعطيك
اما لقى فيك الصبر والحماسه ====== ماظنتي تاصل مناك او هقاويك
لا يصرفك حب الضحك والوناسه ==== ومصاحبة ناسٍ عن العز تغويك
دامك تريد العز فاقتد بناسه ===== خذ حذوهم في منهجك في خطاويك
المجد له ثوب كبير مقاسه ====== يكبر على كل الرجال الصعاليك
ماكل من طب البحر جاب ماسه=== ويعجز عن افعال الصقر طاير الديك

كتمان الصراحه

كتمان الصراحه

يازين كتمان الصراحه مـا طيقـه
انا احتري كلمة ماريدك على نـار

افعالـك النكـره تراهـا وثيـقـه
على عدم حبك ولو تكثـر اعـذار

لا بد فـي يـوم تبيـن الحقيقـه
ولا بد يوم ن تنكشف كـل الاسـرار

من بعدها بانسـاك بايـة طريقـه
والله يعين اللي على المـر صبـار

هاذي نهايـة حبنـا فـي دقيقـه
لا صرت ياخلـي لعـوبٍ وغـدار


لو شب من فرقاك فينـي حريقـه
اهون ولا يلحقني من حبك العـار

لي عزة بيـن البشـر والخليقـه
لا صرت بفقدها عسى القبر لي دار

الوطن نادى

الوطن نادى يبي فزعت جنوده
وهبوا الشجعان من جندٍ وقاده

ماحدٍ منهم يفكر في خلوده
مايبون الا النصر ولّى الشهاده

خلوا الحوثي هواجيسه تعوده
ماينام الليل طول به سهاده

ان ورد فالموت دونه في وروده
وان صدر ما سلَّمه الا شراده

خير للحوثي حيات (ن) في حدوده
خير من دار ٍبها يحرم رقاده

دونه حماة الحرم قوم تذوده
تقطع آمآله ولا ياصل مراده

جيشنا في المعركه يثبت وجوده
ويل من يلقاه يفنيه ابجهاده

يشبه النو الحشر تدوي رعوده
من سمعه الخوف يتمكن فؤاده

شب حول الرافضي نارٌ وقوده
افنته ما بقي منه الا رماده

بشروا من كان يوهمه ابوعوده
بشروه بشر تحطيمن واباده