الخوي

الخوي لوما نشد عنك ف الوقت اليسير
فاعرف انه غايب عنك في وقت العسر
واذا منه غاب ماجاك في الوقت العسير
ليت عينك ماتشوفه ﻻ جا وقت اليسر
غير قبل اللوم فاصبر في التاخير خير
وكل غايب حجته معه ﻻمنه حظر
والبشر ماهم سوى ﻻ الكبير وﻻالصغير
بين متغافل وغافل وكل له خبر
ومن تعذر فاقبل العذر كل له ضمير
واترك النيات يعلم بها رب البشر
والعذر ان كان ياصاحبي ماهو كبير
اعتراف بالخطا خير من قول العذر
خوة ماهي على النازلة مثل الشطير
مضيعة للوقت وانا اشهد انها ماتسر
واﻻخوة ماتطلب لها مال وفير
اﻻخوة وقفة الرجل ﻻ حل الضرر
والله ان وقفة فقير ولو ماهو قدير
خير من وقفةامير بها يقل القدر
وان رزقك الله في دنيتك خوة فقير
ادنى ماتكسبة ترجو من الله اﻻجر
ومن حداه الوقت واجبره في خوة امير
وش لقى اﻻ نظرة اذﻻل او كلمة امر

علي الراشدي الشهري