هذه قصيدة كتبتها وتمت مجاراتي من قبل الشاعر ابو معاذ احمد علي الشهري
ياصاحبي ﻻصرت في عينك تمون
ابشر وجعل فداك روحي ومالي
ارخص لك الغالي وماني بمغبون
واشيل حملك لو بوزن الجبالي
كلش يهون اﻻ الغلط منك مايهون
تخطي قبال الناس وتقول غالي
لان الغلط من غير اﻻصحاب مضمون
واتحـــمله وارد له بالمثالي
غير البلا ﻻصار من صاحب عون
عــــــــلى الشدايد والعلوم الثقالي
والله اني ادله عن خطا البعض واصون
سمعي واثمن في ردودي مقالي
واحيان يجبرني على الزله الدون
وارد له باكثر من اللي رمى لي
واحتار في غالين صارو يزلون
وان قمت اجاري كني اعل حالي
ان كان هذا الوضع بيدوم تكفون
باغيب عنــــــــكم واتركوني لحالي
ابو اسامة
الرد من ابو معاذ
يضيق بي لجل الخوي واسع الكون
خوي ضيق اذا نخيته انتخالي
في خاطره الطيـــــب لناس مكنون
متربي فــــي بيت عز ومعالي
بيـــــــته عن الزلات وذل مصيون
ما فيه غير مجملات الرجالي
ويدين جــــــــوده بالمكارم يمدون
للي نصاه قـــــدام صب الدلالي
ليت النشاما من البشر ما يموتون
ولا الـــردي ليته سريع الزوالي
علي بعيني منزله داخل النون
وفي سويدا القلب منزله عالي
يا جعله ابطاعون عمواس مطعون
من يكرهك ولا بسمر العوالي
لو غبت من يعرفك تدري اش يقولون
اكـــــيد بيقولون غاب الهلالي
وان كان به زلات وناس يخطون
فدمح لنا الزلة يا سيد الرجالي
ابو معاذ
ليست هناك تعليقات:
إرسال تعليق